الجمعة، 11 مارس 2011

- الميكروباص!.

الميكروباص!!
 (مصدر الصورة من هنا )
التفت سائق الحافلة الصغيرة "الميكروباص-micro-bus" إلى شرطى المرور كبير السن وأعطى له ورقة نقدية قيمتها 50 قرشاً! لكى يتغاضى عنه نتيجة مخالفة ارتكبها وهى زيادة عدد الركاب عن العدد المسموح به ب 5 ركاب، والعجيب أن الفرد الخامس يجلس على ساق زميله بجوار السائق!إنها مهزلة بجميع المقاييس!
أحب أن أجلس دائماً بجوار النافذة لأسلى نفسى بالنظر من وراء زجاج النافذة إلى المنازل أو المحلات التجارية أو حتى أحد فروع نهر النيل أو الأراضى الزراعية بما تحمله من بهجة إلى النفس،وينافسك على الجلوس على هذا المقعد الكثير فإذا أتيت إلى "الميكروباص"متأخراً ستجد كل المقاعد بجوار النوافذ شاغرة فربما يكون للأخرين أسباب أخرى أو نفس سببى.
فى هذه اللحظات أكون شارداً أفكر فى كثير من الأشياء أو قل"أحلام يقظة" ولكن ينبهنا صوت سائق "الميكروباص" "الأجرة يا حضرات"...أسلم الأجرة إلى الجالس أمامى ،لتمض بين الأكف حتى تصل إلى السائق.
وقد يجذب إنتباهك ويخرجك من أحلامك تسابق السائق مع سائق أخر على الطريق وما يتبعه من شتائم وسب للسائقين أو أصوات عاقلة تحاول أن تهدأ السائق بأن الرزق مكتوب وأن يتمهل ففى العجلة الندامة وفى التآنى السلامة..
وقد يشدك ايضاً توقف فجائى نتيجة خروج شخص من شارع جانبى أو"توك توك"أمام"الميكروباص" أو توقف المكيورباص لنزول أحد الأشخاص فى الطريق بين المحطتين.
أحياناً تحاول أن تستغل هذا الوقت الذى تمضيه فى المواصلات فيما هو مفيد من الإستماع للقرآن الكريم أو أحد الشرائط الدعوية أو الأناشيد الدينية..إلخ وذلك عن طريق استخدام سماعات الأذن متصلة إما بالجوال أو بأحد مشغلات الملفات الصوتية ك"الأم بى ثرى" وذلك حتى لاتزعج الأخرين،ولكن قد يشغل سائق"الميكروباص" مالاتحب أن تسمعه من أغانى هابطة لامعنى لها ولاهدف!
وقد يكون للتسلية طرق أخرى فقد تجد بجانبك من يحدثك عن الأحداث الجارية والغير جارية وخاصة بعد الحرية التى أحس بها الشعب المصرى بعد ثورة 25 يناير والتى انتفض فيها الشعب كالجمر من تحت الرماد ليعلن أن الغيوم تتلاشى وتظل الشمس على حالها...لاتختفى أبداً..
د إبراهيم سماحة

هناك 28 تعليقًا:

  1. انا بخاف من الميكروباص سواء وانا واقفه في الشارع او راكبه في تاكسي أو عربيه ههههههههههههه بحسهم بيسوقوا بالدراع .............يارب نكمل شمس الحريه يارب يا دكتوري العزيز

    ردحذف
  2. سواقين اليكروباص دول محتاجين ثورة زي ثورة يناير
    تحياتي دكتور ابراهيم

    ردحذف
  3. ان شاء الله لما الشرطة تنزل عندي امل ان تغربل سواقين الميكروباص علشان انا قابلت مصاب في القصر العيني عنده 17 سنه وكان بيشتغل سواق ميكروباص
    وحكالي بلاوي ومسجلة معاه الكلام ده

    ردحذف
  4. الميكروباصات دى عالم لوحدها

    بس أكتر مشكلة كنت بحسها فيها إن البذائة أصبحت من الأشياء العادية عندنا
    يعنى ممكن تلاقى السواق بيشتم السواق التانى بألفاظ جارحة للغاية والسواقين بيضحكوا والركاب بيضحكوا عادى خالص

    ردحذف
  5. السلام عليكم ورحمة الله

    المشكلة مش فى الميكروباص فى حد ذاته
    المشكلة ان اكتر سائقيه بلطجية و مستوى تصرفهم غير لائق لا بدين ولا اخلاق ولا عادات

    لكن احيانا بنصادف سواقين محترمين

    واعتقد ايضا ان مع شمس الحرية لازم تشرق قوانين جديدة للتعامل مع المواصلات كلها وقانون المرور يمكن حالنا يتغير للاحسن والافضل

    المشكلة الاكبر اصبحت فى شىء خيالى وجالنا من عالم الكرتون اسمه توك توك يالطيف يارب بيطلع للواحد من بين العربيات من حيث لا تدرى واصبحت مشاكله كتير جدا

    يارب يامصر الجاى يكون احسن واحسن

    تحياتى د. ابراهيم
    بارك الله فيك اخى

    ردحذف
  6. أكيد لما بركب معاك يا دكتور هيما أنا اللى بقعد جمب الشباك أنا أصلا مبرضاش أوقات كتير أركب إلا جمب الشباك الدوخة بقى والكلام ده بيأثر اوى بس الأيام دى السواقين لسانهم طول ومعدش حد بيهمهم ثورة بقى ...المشكلة ان الواحد ميقدرش يقول عليهم قلة سوئت سمعة البقية إلا أننى أقول عفوا للقلة الشريفة والسلام ختام

    ردحذف
  7. الميكروباصات دى أصبحت أمبراطوريه
    عندنا معظم أصحاب الميكروباصات أمناء شرطه وفى المرور كمان وكانوا بيدعموا السائقين من أجل إيراد مرتفع ومعظم الأمناء كانوا بيجاملوا بعض ويتغاضوا عن المخالفات الكثيره والواضحه
    دلوقت معادش ينفع الوضع ده وأنتظروا بس ترجع الشرطه ويعود الأمن لكل قطاعات مصر المحروسه سنجد أن هذه الممارسات ستختفى مع الوقت وبفعل الركاب محدش حيقبل أستمرار تلك الأوضاع التى تسيىء لينا ولمصر

    وعلى فكره يادكتور لو الجلوس بجوار الشباك عملوا له تسعيره مرتفعه عن الكراسى الأخرى حتعمل أيه !!!

    ودمت أخى بخير حال

    ردحذف
  8. د/ إبراهيم
    السلام عليكم
    نحن ما زلنا نعيش فى حالة فوضى
    أتمنى أن يتسم سلوكنا بالتحضر
    وعلى مستوى كل الفئات
    تفتكر داممكن يحصل ....... ؟
    خالص تقديرى

    ردحذف
  9. د/ إبراهيم
    السلام عليكم و رحمه الله و بركاته
    الثوره معناها تغيير لكن التغيير الاهم ان تتغير ثقافه الشعب اولا لكى تنجح الثوره بمعتاها الحقيقى نسأل الله سبحانه و تعالى ان يمن علينا بهذا
    جزاك الله خيرا اخى
    ========>♥ ◕‿◕ ♥<========
    اللهم لولاك ما اهتدينا ولا تصدقنا ولا صلينا فأنزل يا ربي السكينة علينا وثبت الاقدام ان لاقينا
    ========>♥ ◕‿◕ ♥<========

    ردحذف

  10. بسم الله والصلاة والسلام على رسول الله:
    السلام عليكم ايها الاخ الكريم الدكتور ابراهيم..
    قادم من مدونة اختنا الفاضله (مجداويه)..
    شكرا لك على متابعة موضوع الصفحه الضاره ..وجزاك الله خيرا على ما قدمت..فعلا كانت مشكله دائمه..
    تقبل مروري وصداقتي..
    ساشارك في مدونتك الكريمه وساضعها في قائمة المفضله في مدونتي ارض الايمان ..
    وسأكون في غاية السرور لو شرفتنا بزيارتك هناك

    شكرا وبارك الله فيك

    اخوك
    ابن الايمان

    ردحذف
  11. وصف دقيق لما يحدث بالفعل

    كأنها نسخه كربونيه تحدث لنا جميعا

    ردحذف
  12. الدكتور الفاضل ابراهيم
    عرفت بطريق الصدفة من بروفايل الفيس بوك انك من المنصورة ، أنا أيضا من المنصورة و أخي الأكبر استاذ صدرية بطب المنصورة و لو راجعت اسمي الثلاثي هتعرفه

    ردحذف
  13. عزيزي د.ابراهيم

    بعد التحية

    أشكر لك تشريفك وكلماتك الرقيقة وأأتمني التواصل

    موضوعك عن الميكروباص قلب علية المواجع لأنها تجربة يومية مريرة وكلها جديد ف جديد

    ربنا يتوب علينا من الميكروباص ومن "الأجرة "

    تحياتي
    بالتوفيق....................

    ردحذف
  14. كلمات من نور
    :)
    فعلا الميكروباصات اللى بيسوق معظمها سواقين مش تمام الصراحة..ربنا يوفقنا جميعا

    ردحذف
  15. محمد محمود عمارة
    فعلا ربنا يهديهم يا فندم

    ردحذف
  16. شمس النهار
    بلاوى بس دى مهازل والله..ربنا يسهل

    ردحذف
  17. سجل .. أنا مصرية
    لا ومفيش احترام ولا ذوق من بعض السواقين أو من بعض التباعين فى الكلام أو المعاملة..ربنا يهديهم

    ردحذف
  18. أم هريرة (lolocat)
    حضرتك ذكرتى المفيد :)

    ردحذف
  19. Dr-Mostafa
    عفوا للقلة الشريفة والمحترمة :)

    ردحذف
  20. واحد من العمال
    فعلا ربنا يهدى السواقين ويوفق جهاز الشرطة فى القضاء على هذه الممارسات..
    لا طبعا لو عملوا تسعيرة غالية للكرسى اللى جمب الشباك..هعد على الكراسى التانية طبعا :)

    ردحذف
  21. عمرو جويلى
    أكيد إن شاء الله...ربنا يوفقنا

    ردحذف
  22. الشاب الصح
    فعلا أخى الكريم لابد أن تتغير أخلاقنا للأحسن..الله الموفق

    ردحذف
  23. ابن الإيمان
    ربنا يكرمك أخى سعدت بمعرفتك..

    ردحذف
  24. محمد محمود عمارة
    طبعا طبعا
    وهل يخفى الأستاذ دكتور مجدى عمارة أستاذنا وتاج راسنا ربنا يكرمه راجل محترم..تشرفت بمعرفتك أستاذنا الكريم

    ردحذف
  25. ghoneem
    ربنا يكرمك يا دكتور..
    يارب ربنا يسهل.

    ردحذف
  26. وصلت على طول يا دكتور إبراهيم ، ربنا يكرمك ده من أصلك و من طيبك

    ردحذف
  27. محمد محمود عمارة
    ربنا يخليك يا فندم

    ردحذف

مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ ..ق18